Ek lafz-e-mohabbat ka adna saa fasana hai

Ek lafz-e-mohabbat ka adna saa fasana hai

Simte to dil-e-aashiq phaile to zamana hai 

Ye kis ka tasavvur hai ye kis ka fasana hai

Jo ashk hai ankhon mein tasbeeh ka daana hai 

Hum ishq ke maaron ka itna hi fasana hai

Rone ko nahin koyi hansne ko zamana hai 

Wo aur Wafaa-dushman maanege na maana hai

Sab dil ki sharaarat hai ankhon ka bahaana hai 

Kya husn ne samajha hai kya ishq ne jaana hai

ham khaak-nasheenon ki thokar mein zamaana hai 

Wo husn-o-jamaal un ka ye ishq-o-shabaab apna

Jeene ki tamannaa hai marne ka zamana hai 

Ya wo the khafa hUm se ya hUm the khafa un se

Kal un ka zamana tha aaj apna zamana hai 

Ashkon ke tabassum mein aahon ke tarannum mein

Masoom mohabbat ka masoom fasaana hai 

Ankhon mein nami si hai chup-chup se wo baithe hain

Nazuk si nigaahon mein nazuk sa fasaana hai....

Share on Google Plus

About Unknown

Our team is dedicated to provide our visitors the best music entertainment and also promote underground and upcoming artists on Theabpoet.com. It’s a platform for all artists to showcase their work and talent. So keep Visiting And Enjoy unlimited music entertainment.